Kryeministri i Kosovës në largim, Ramush Haradinaj ka folur edhe për marrëdhëniet e tij me kryeministrin Rama.
I ftuar mbrëmjen e sotme në “Pressing T7”, teksa ka dhënë detaje rreth vendimit të tij për t’u dorëhequr nga posti i Kryeministrit, Haradinaj u shpreh se Rama nuk kishte reaguar direkt për thirrjen nga Gjykata Speciale.
“Kam marrë shumë shkresa prej kryeministrave të rajonit, por jo prej Edi Ramës. Prej Shqipërisë më kanë shkruar presidenti Berisha, Moisiu, presidenti Moisiu ishte këtu. Në Shqipëri është një ndjenjë respekti dhe vetëdija kombëtare e ka bërë të veten, ata i përcjellin këto tema”, tha Haradinaj.
Ndër të tjera, Haradianj nuk ka hezituar të falenderojë të gjithë ata që e kanë vlerësuar vendimin e tij.
