Rama po zhvillon një takim me sipërmarrësit në Shëngjin. Gjatë fjalës së tij, Rama tha se çdokush që kërkon vota dhe u bën presion punonjësve të administratës, do përfundojë në burg.
Më pas, Rama rrëfeu se kur fitoi zgjedhjet më 23 qershor, u ka thënë ministrave se kjo është detyra e fundit të tij, ndryshe nga ta, të cilët ikin nga postet, por mund të rizgjidhen prapë.
A është kjo deklaratë që nënkupton se kryeministri Rama do heqë dorë nga politika nëse nuk fiton një mandat tjetër?
“Ata të çadrës do të ishin të izoluar, ne merrnim 100 deputetë dhe e kishim të gjithë pushtetin për vete. Por, nuk ishte ky qëllimi pse u kërkuam shqiptarëve votën në 2013-ën. Po të kryejmë disa reforma që janë edhe të frikshme dhe të gjithë ia kanë lënë tjetrit për të rujt karrigen.
Pra o të kontribuosh për njerëzit me pushtetin tënd, ose të rrish aty dhe të konsumohesh nga pushteti. Unë e kam bërë zgjedhjen time, ministrave u kam thënë: Ju ministra jeni për herë të parë. Unë këtë e kam punën time të fundit dhe do rri këtu deri sa njerëzit të më lejojnë. Por, një gjë është e sigurt, që po nuk ndërtum një administratë që është në shërbim të njerëzve, ne e kemi të pamundur që t’u lëmë fëmijëve tanë një shtet normal.
Prandaj them se PS-së i duhet dhënë besimi. Ne jemi të vetmit që kemi bërë shtet.”/ TIRANA TODAY
