Pas braktisjes së mandateve të forcës politike që ajo drejton, Kryemadhi ka bërë sot një deklaratë të fortë.
Gjatë një takimi me të rinjtë e LRI-së në njësinë numër 2, Kryemadhi tha se zgjedhjet e parakohshme do të mbahen në fund të majit.
“Të jeni të bindur që 94% e shqiptarëve meqë flitet për sondazhet dhe po jua them unë që bëjmë dhe ne sondazhe dhe i bëjmë sondazhet shumë të mira. 94% e shqiptarëve mendojnë që Shqipëria është më e varfër se ç’ka qenë. 94% e shqiptarëve besojnë që jeta e tyre është më e shtrenjtë se ç’ka qenë, çka do të thotë se dhe socialistët edhe ata që nuk votojnë kurrë, mendojnë si ne.
Prandaj detyra juaj është që t’i zgjojmë, t’i sensibilizojmë, t’u flasim për LSI. Që jemi një forcë politike dhe parti politike e të rinjve dhe të rejave. Njerëzit e kanë perceptimin shumë të mirë për LSI-në. Njerëzit e kanë perceptimin shumë të mirë për ta ndryshuar këtë realitet.
Tashmë duhet të bëhemi gati që njerëzit t’i çojmë në kutitë e votimit ditën e zgjedhjeve që do të jenë në fund të majit, sepse jam e bindur që zgjedhjet e përgjithshme parlamentare do të jenë të parakohshme”, tha ndër të tjera Kryemadhi.
Ndërkohë, kryeministri Rama ka deklaruar se nuk ka asnjë shans që të mbahen zgjedhje të parakohshme, ndërsa sot i ka ‘shtrirë dorën’ opozitës për një bashkëpunim të mundshëm, teksa e ka ftuar atë publikisht për dialog.
