Gjashtë vendet e Ballkanit Perëndimor kërkojnë t’i bashkohen familjes evropiane. Por, për Brukselin shumë pak është bërë deri më tani për procesin e anëtarësimit. Serbia, Mali i Zi janë më të avantazhuara kundrejt vendeve të tjera midis të cilave edhe Shqipëria, e cila pret hapjen e negociatave mes reformave gjysmake që ka ndërmarrë vitet e fundit, shkruan Tirana Today.
Bashkimi Evropian kërkon t’i bëjë pjesë të tij vendet e Ballkanit Perëndimor, por ato duhet të zgjidhin më parë çështjet kufitare dhe të realizojnë reformat e ndërmarra.
Presidenti i Komisionit Evropian Jean-Claude Juncker vizitoi të gjashtë vendet javën që lamë pas. Ai e mbylli vizitën në Sofje të Bullgarisë, vend i cili po mban presidencën e radhës së Bashkimit Evropian. Bullgaria do të shqyrtojë nga afër edhe performancën e vendeve të Ballkanit në rrugën drejt BE-së.
“Asnjë shtet nuk mund bëhet anëtar i BE-së nëse nuk zgjidhen çështjet kufitare”, u shpreh presidenti i Komisionit Evropian, Jean-Claude Juncker, në një intervistë për Euronews.
Një deklaratë e fortë e bërë kaq hapur nga Juncker, është një mesazh i fortë edhe për vendin tonë, i cili jo rastësish është duke negociuar për arritjen e një marrëveshjeje me Greqinë për kufirin detar.
Ndërsa, nga ana tjetër Presidenti Juncker gjatë intervistës është shprehur se: “Mesazhi im për të gjithë ata që janë përfshirë dhe në veçanti të dy vendet do bashkohen me BE derisa të zgjidhin mosmarrëveshjet e kufirit. Ata duhet të sigurojnë rendin në rajon. Ne nuk duam të importojmë paqëndrueshmërinë e Ballkanit në BE, ne duam të eksportojmë stabilitetin tonë. Prandaj, të gjitha shtetet që duan të jenë anëtare të BE-së duhet të zgjidhin mosmarrëveshjen kufitare. Kjo është një temë e rëndësishme për rajonin”, shkruan Tirana Today.
Le të flasim për kandidatët që duan të bashkohen një ditë me BE , si Maqedonia dhe Shqipëria. Si qëndron puna? U takuat me krerët e shteteve, çfarë ju thatë?
Jean-Claude Juncker, Presidenti i Komisionit Evropian: Mesazhi im për të gjithë ata që janë përfshirë dhe në veçanti të dy vendet do bashkohen me BE derisa të zgjidhin mosmarrëveshjet e kufirit. Ata duhet të sigurojnë rendin në rajon. Ne nuk duam të importojmë paqëndrueshmërinë e Ballkanit në BE, ne duam të eksportojmë stabilitetin tonë. Prandaj, të gjitha shtetet që duan të jenë anëtare të BE-së duhet të zgjidhin mosmarrëveshjen kufitare. Kjo është një temë e rëndësishme për rajonin.
Për një kohë të gjatë, Shkupi ka diskutuar me Athinën për emrin e saj. Tani negociatat po vazhdojnë. Çfarë roli luan BE? A po bëni presion për të gjetur një zgjidhje? A ka lëvizje në mosmarrëveshje?
Jean-Claude Juncker, Presidenti i Komisionit Evropian: Nuk duhet të ushtrojmë presion. Ne inkurajojmë Greqinë dhe Maqedoninë të arrijnë një marrëveshje. Ata janë në procesin e negociatave, ne nuk duhet të ndërhyjmë.
Grekët kërkojnë nga fqinjët e tyre të fshijnë çdo kërkesë për emrin nga kushtetuta e tyre. A është e justifikuar përballë problemit kufitar në rajon?
Jean-Claude Juncker, Presidenti i Komisionit Evropian: Ne nuk po ndërhyjmë në procesin e negociatave midis Greqisë dhe Maqedonisë. TIRANA TODAY
