Deputeti Myslim Murrizi hodhi akuza mbi qeverinë, se miratoi në mënyrë të kundraligjshme Kodin Penal dhe se merr urdhra nga Kreu i Shtetit, Ilir Meta. Murrizi tha se Rama i miratoi kot ndryshimet në Kodin Penal, pasi më tej i fali të gjitha gjobat dhe shkeljet nga ana e qytetarëve.
Më tej ai bëri ironi edhe lidhur me hapjen e disa bizneseve, duke cekur edhe hotelet. Murrizi u shpreh në fjalën e mbajtur në Kuvend, se kjo situatë është fyese, ku premtohet se do hapen hotelet dhe shqiptarët janë të izoluar.
Debati:
Ruçi: Shikoj ca deputetë që nuk kanë masa mbrojtëse, duhet të respektohen.
Murrizi: A jeni konsultuar me kapon për këtë afatin, me atë të gjirit të Lalzit? Ju bëtë një divorc formalisht, siç ndaheshin familjet në komunizëm. Kodi Penal është miratuar në mënyrë të kundraligjshme.
Por pse miratojmë aktet normative kot, kur sulltani i Surrelit i anuloi të premten, gjobat bllokim makinash, sekuestrim makinash.
I madhërishmi doli dhe tha i falim ne, se ata nuk dinë. Të parët duhet të pyesni shefin e këtij të madhit, kapon, që a është dakord me 23-in. Hapen hotelet thotë, ku shqiptarët janë të mbyllur, kush do të flejë atje? Për çfarë e bëni? Do ju lejoj lëvizjen e makinës thotë; burrat para, gratë skiç prapa. Po ata, a flejnë në një krevat bashkë? Ka edhe nga ata që nuk flejnë në fakt.
