Referuar ekzekutimit në Vlorë, fqinja e të ndjerit ka rrëfyer çfarë ka dëgjuar kur ndodhi krimi. E moshuara pohoi se 25-vjeçari Kristjan Breshanaj nuk ishte problematik, ndërsa qëndronte në shtëpi, pasi nuk punonte.
Ajo tha për “News 24” se kishte dëgjuar ulërima gjatë natës, dhe mendonte se mos dikush ishte i sëmurë. Një prej plumbave që kanë qëlluar autorët, ka hyrë në derën e një prej fqinjëve.
“Djali nuk ishte problematik. E kishim gjiton këtu. Shikonte punën e tij, ishte djalë i qetë. Nuk punonte, rrinte në shtëpi. Unë mendova se ishte ndonjë sëmundje, se bërtisnin. Fqinja ka plumbin në derë. Nuk e dimë se pse mund të jetë vrarë. Ishte djalë i mirë. Babain e ka mjek, nënën mësuese. Ata janë dy fëmijë, një djalë jeton jashtë në Amerikë. Viktima ishte i vogli, tjetri është i martuar”, tha fqinja.
