Pas lajmeve se Shqipëria do të strehojë ish-luftëtarët e kapur rob të ISIS-it, në një kamp të financuar nga vendet e BE, ka reaguar sërish kreu i grupit parlamentar të LSI-së, Petrit Vasili.
Me anë të një postimi në rrjetin social “Facebook”, Vasili akuzon Ramën teksa thotë se kryeministri Rama gënjen kur thotë se nuk do ketë një kamp të tillë në Shqipëri, pasi një gjë të tillë e konfirmoi kryeminsitri bullgar gjatë vizitës në Tiranë që pati pak ditë më parë.
Statusi i plotë i Petrit Vasilit:
Kryeministri yne genjeshtren e ka semundje pa sherim dhe nuk kurseu as kryeministrin Borisov.
Qe kryeministri yne e ka genjeshtren menyre jetese nuk eshte lajm.
I palodhur,i paepur dhe pa sherim ne semundjen e tij te genjeshtres, ai ne rastin e qendres se reabilitimit te ish te kthyerve nga ISIS,nuk kurseu as kryeministrin e Bullgarise Borissov dhe e nxori ate si njeri qe nuk di ç’flet duke harruar qe ai eshte kryeministri i nje vendi anetar i BE dhe mik i Shqiperise si Bullgaria.
Meqenese ky mashtruesi i semure kryeministri yne prap i ra ne qafe opozites,lexoni vete se ç’ka thene z.Borisov, por meqe ky mashtruesi ne krye te qeverise s’ka turp po ju veme be dispozicion edhe videon e konf per shtyp qe edhe ta shikoni.
“Në Shqipëri do të bëhet një qendër koordinimi për luftëtarët që kthehen nga ISIS në territorin e Ballkanit”, u shpreh Kryeministri i Bullgarisë Boyko Borissov, në konferencën e përbashkët për shtyp.
