Drejtori i Përgjithshëm i Policisë së Shtetit, Muhamet Rrumbullaku, ka deklaruar se është i gatshëm të përgjigjet për rastin e vdekjes së 32-vjeçarit Lear Kurti.
Gjatë seancës dëgjimore të thirrur nga disa deputetë në Komisionin e Sigurisë, Rrumbullaku tha se do të flasë brenda 48 orëve për këtë ngjarje.
“Brenda 48 orësh do të jap shpjegime për vdekjen e Lear Kurtit”. Kështu u përgjigj drejtori i Policisë së Shtetit, Muhamet Rrumbullaku në mbledhjen për Sigurinë Kombëtare. Aty pati debate të ashpra që në nisje, pasi opozita kërkonte përgjigje për shkaqet e vdekjes së 32-vjeçarit.
“Jam i gatshëm të paraqitem brenda 48 orëve për të dhënë shpjegime për Kurtin. Së dyti edhe për çështjen Rasha, jap të gjitha shpjegimet e duhura.
Do ju lutesha, që jo çdo gjë që mediatikisht shpërndahet për opinionin, janë të vërteta, reale dhe lidhen me hetimet e drejtësisë. Na respektoni mundin, djersën e gjakun e organizatës që jep për Republikën e Shqipërisë”, tha Rrumbullaku.
