Mançester Junajtid humbi finalen e Europa League ndaj skuadrës spanjolle të Vijareal. Ndeshja u vendos nga penalltitë me kohën e rregullt që përfundoi me shifrat 1-1.
Portieri David De Gea mund të cilësohet si fajtori kryesor për humbjen. 21 penallti radhazi u shënuan nga të dyja skuadrat, ndërsa vetëm e 22-ta u humb nga portieri spanjoll, që i mundësoi në fund festën Vijarealit.
Portieri nuk arriti të presë asnjë nga 11 penalltitë e klubit spanjoll, përfshirë edhe atë të fundit nga portieri kundërshtar, Geronimo Rulli, ndërsa më pas humbi goditjen e tij për të dhënë fitoren e skuadrës së Unai Emerit.Dështimet e De Geas nuk ishin për shkak të mungesës së përqëndrimit.
Kjo pasi shënimet e tij mbi penalltitë e skuadrës spanjolle u zbuluan nga gazetari Angelo Mangiante pas ndeshjes.De Gea kishte shënime për secilin lojtar, por dështoi të ishte protagonist dhe tashmë ka përfunduar në qendër të kritikave.
Here are the details of De Gea written for the penalties. They weren’t enough. @SkySport #MUFC @GianluBagnu #UELfinal pic.twitter.com/VSQonEukNj
— Angelo Mangiante (@angelomangiante) May 26, 2021
