Ish-ministri i Drejtësisë, Ylli Manjani, i është kthyer ashpër kreut të grupit parlamentar të PS, Taulant Balla, për kandidatët e Gjykatës Kushtetuese.
Ai shkruan që në krye të statusit se ky është turpi i “dashnorëve të reformës”. Manjani citon se procesi më i rëndësishëm i fillimit të zbatimit të Reformës, bëhet pis me moralizma të shpifura.
Statusi
Turpi i “dashnorëve të reformës”!
===========
Taulant Balla duhet të ketë turp që anatemon, kandidadatë të veçantë në garën e sajuar, gjithsesi, nga KED e tyre!
Ça është domethënia kushtetuese apo qoftë dhe politike e deklarimit të shpifur se ” filania dhe fisteku janë dashnorë”?!!
Si ka mundësi që procesi më i rëndësishëm i fillimit të zbatimit të Reformës, bëhet pis me moralizma të tilla të shpifura?!
Se ja ta zëmë se është ashtu ( ndjesë të përfolurve) e ça pastaj?! Ç’lidhje ka kjo me Kushtetutën dhe ligjin?
Pse nuk e skartuan në KED, te e njëjta që kualifikuan ngelëset në shkollën e Magistraturës? Meqë jemi këtu, kush e dëmton më shumë Gjykatën Kushtetuese, kjo që paska pasë dashnor apo ato të tjerat që nuk kaluan dot testin me shkrim të shkollës së Magistraturës?!
Nëse Taulanti është akoma “dashnor i reformës”, duhet ti vijë turp nga ai palo deklarim që ka bërë sot në atë palo-parlament.
Sot Kuvendi i Shqipërisë votoi për plotësimin e vendeve vakante për Gjykatën Kushtetuese.
Me shumicë votash, ka miratuar Elsa Toskën dhe Fjona Papajorgjin si anëtare të reja të Kushtetueses.
Ndërsa juristja Arta Vorpsi u shpall e emëruar automatikisht, pas skadimit të afatit 30 ditor nga ana e presidentit.
