Dënimi i Ratko Mlladiç me burgim të përjetshëm nga Gjykata e Hagës nuk u anashkalua pa prononcim nga Departamenti Amerikan i Shteti. Zëdhënësja për median i DASH, Heather Nauert u bëri thirrje shteteve dhe popujve të Ballkanit, për të punuar së bashku e për të ndërtuar një të ardhme më të mirë. Gjithashtu, Nauert bëri thirrje për të shmangur çdo retorikë përçarëse.
DASH: Uashingtoni mbështet punën e rëndësishme të Gjykatës Penale Ndërkombëtare për Ish-Jugosllavinë dhe respekton vendimet e saj. Ne do të vijojmë të përkujtojmë viktimat e krimeve çnjerëzore të kryera në ish-Jugosllavi.
Ratko Mlldiç, i cilësuar “Kasapi i Ballkanit”, u shpall sot fajtor për gjenocid në enklavën e Srebrenicës, në Bosnje ku 8000 burra dhe djem myslimanë u vranë në vitin 1995, dhe për krime kundër njerëzimit dhe krime lufte të kryera në Bosnje.
