Një trafikant danez droge, i cili kishte me vete 1 000 cigare me kanabis, ngatërroi një veturë policie me taksinë, ka deklaruar policia daneze. Trafikanti i drogës ka bërë një vetëdorëzim fantastik në policinë daneze, ndërsa lajmi është bërë virale në media për shkak të rrethanave të arrestimit.
Trafikanti nga Danimarka mbante me vete 1000 cigare kanabis, ndërsa ka ngatërruar makinën e policisë me një taksi në qytet. Me kanabis në xhep, trafikanti ka hipur vetë në makinën e policisë, duke ua bërë më të lehtë policisë në kapjen e trafikantit.
“Mbrëmjen e kaluar, një shitës hashashi i zonës së Kristianas, që po nxitonte të kthehej në shtëpi, mori një taksi. Që u befasua kur kuptoi se kishte hipur në një automjet policie”– shkruan në Twitter policia e Kopenhagenit.
Lagje liberale e kryeqytetit danez, Kristiana, strehon që prej viteve ’70 një komunitet të vetëmenaxhuar dhe një treg të konsiderueshëm të kanabisit.“Trafikanti kishte me vete rreth 1 000 cigare me kanabis”- theksoi policia duke e prangosur menjëherë.
