Khabib Nurmagomedov menjëherë pas sherrit që krijoi me stafin e Conor McGregor ka sqaruar atë çfarë ndodhi dhe ka kërkuar falje. Ai është justifikuar me faktin se irlandezi e kishte provokuar dhe ishte tallur me të. Por duket se këto nuk vlejnë aspak, pasi pritet që të ketë një ndëshkim mjaft të rëndë për rusin, që mund të arrij deri në heqjen e titullit.
“Si fillim dua t’i kërkoj falje “Komisionit Atletik të Nevadës” dhe qytetit të Las Vegasit. E di se nuk tregova anën time më të mirë”, tha fillimisht fituesi i duelit të mbrëmshëm, i cili më pas deklaroi se situata ishte e ekzagjeruar, duke i kujtuar gazetarëve se Mekgregor ka bërë gjëra më të rënda në të shkuarën dhe nuk është dënuar.
“Nuk e kuptoj pse njerëzit flasin se përse unë u hodha nga kafazi. Ai ka fyer fenë time, vendin dhe babain tim. Ai ka sulmuar në të shkuarën një autobus dhe gati vrau disa persona, për këtë duhet të shqetësoheni. Se kuptoj pse merren me mua.
Media e ka ndryshuar pak sportin e arteve marciale të kombinuara (MMA). Është një sport ku respekti vihet në radhë të parë dhe jo ngacmimet e kota midis kundërshtarëve. Dua ta ndryshoj këtë sport. Nuk dua që të ketë ofendime midis kundërshtarëve mbi baza fetare, kombëtare ose familjar. Ju thashë. Ai dhe gjithë skuadra e tij dinë vetëm të dorëzohen . Ju a thashë, nëse do të bënte një gabim do e kapja dhe do të dorëzohej. E quajnë kampion bote në dy pesha të ndryshme. Por, sot ai u dorëzua dhe prandaj ky brez është këtu me mua”, përfundoi Khabib Nurmagomedov.
Presidenti i UFC-së, Dana White, ka bërë të ditur se Khabib Nurmagomedovit mund t’i merret titulli i kampionet për peshat e lehta për shkak të përleshjes. Pasi McGregor ishte dorëzuar në rundin e katër, Khabib kalon kafazin dhe i ishte vërsulur ekipit të McGregorit.
“Nuk është 100 për qind e sigurt se ai nuk do ta humbasë titullin”, ka thënë White në një konferencë për shtyp pas duelit. “Kjo vendoset nga Komisioni Atletik i Shtetit të Nevadas dhe ata do të jenë të ashpër me Khabibin. Guvernatori i Nevadas ishte këtu, ai u largua me vrap nga ndërtesa. Kjo gjë nuk është aspak e mirë, Khabibi është në telashe”.
