Kryedemokrati Basha zbuloi sot se vrasja në ish-Bllok, dhe plagosja e dy personave erdhi për pazare kokaine. Kjo hidhte poshtë hipotezën e ngritur më herët, se sherri banal ndodhi për një këngëtare.
Basha tha se në ngjarje u përfshinë trafikantë të njohur dhe të lidhur me pushtetin, duke lidhur ish-ministrin Saimir Tahiri me Ervin Matën që është ende në kërkim.
“Ngjarja e fundit në Tiranë, që na u shit për katër ditë si përplasje për një këngëtare, është një përplasje për pazare droge.
Janë të përfshirë trafikantë të njohur dhe dokumentuar me lidhje me pushtetin. E mbani mend kur Saimir Tahiri u nis për në Gjermani, pasi ktheu pasaportën?
E dini me kë ishte në Gjermani? Me këtë Matën e përfshirë në lokal, në goditjen me armë midis bandave rivale”, deklaroi Basha në një bashkëbisedim me gazetarët.
