Ditën e sotme, janë publikuar rezulatatet e provimit të Matematikës për Maturën Shtetërore. Lajmi është konfirmuar nga ministrja e Arsimit, Sporteve dhe Rinisë, Evis Kushi.
Pas protestës së maturantëve në lidhje me këtë provim, ku ata deklaruan se pyetjet nuk kishin të bënin me çfarë kishin studiuar, Kushi informoi se është ulur kufiri minimal të kalueshmërisë dhe atë të pikëve për çdo notë.
Postimi i Kushit në rrjetin social, Facebook
Të dashur maturantë,
Sipas angazhimit tonë, ne analizuam me shumë kujdes çdo shqetësim tuajin dhe të mësuesve mbi testin e matematikës në Maturën Shtetërore dhe pas vlerësimit të të gjitha testeve, duke marrë në konsideratë vështirësitë e këtij viti shkollor, me vendim unanim të Komitetit të Maturës Shtetërore, kemi vendosur uljen e kufirit minimal të kalueshmërisë dhe atë të pikëve për çdo notë.
Shumë suksese në sezonin e vjeshtës atyre që nuk ia dolën dot të jenë kalues dhe urimet më të përzemërta të gjithë të tjerëve, sidomos 1,820 nxënësve nga e gjithë Shqipëria që kanë marrë notën 10.
Rezultatet e këtij provimi i gjeni në linkun:
