Policia e shtetit ka bërë të ditur se ka vënë në pranga dy persona me qëllim ekstradimin drejt Italisë. Sipas autoriteteve janë arrestuar shtetasit C. D, 50 vjeç, banues në Tiranë dhe L. L, 49 vjeç, banues në Vlorë.
Njoftimi i policisë
Tiranë
Vijon puna për kapjen e shtetasve të shpallur në kërkim ndërkombëtar.
Arrestohen dy shtetas me qëllim ekstradimi drejt Italisë.
Shërbimet e Sektorit për Hetimin e Narkotikëve dhe Trafiqeve të Paligjshme në Drejtorinë Vendore të Policisë Tiranë, në vijim të punës për kapjen e shtetasve të shpallur në kërkim ndërkombëtar, kanë bërë kapjen dhe arrestimin e përkohshëm me qëllim ekstradimi drejt Italisë, të shtetasve :
-C. D, 50 vjeç, banues në Tiranë
I shpallur në kërkim ndërkombëtar pasi autoritetet gjyqësore në Trieste, Itali, me Vendim Nr. SIEP 154/2012, datë 17.05.2012, e kanë dënuar me 5 vjet e 2 muaj burg, për veprën penale “Shkelja e ligjit mbi Drogat, Kokainë”, “Pastrim Parash”, “Fallsifikim’’, “Armëmbajtje pa leje”, ku i kanë mbetur për të vuajtur 3 vjet, 3 muaj e 7 ditë burg.
-L. L, 49 vjeç, banues në Vlorë
I shpallur në kërkim ndërkombëtar pasi Autoritet Gjyqësore Italiane, kanë caktuar masën e sigurisë “Arrest me burg” për veprat penale “Pjesmarrje në organizatë kriminale” dhe “Shfrytëzim prostitucioni”.
Materialet i kaluan Prokurorisë së Rrethit Gjyqësor Tiranë për veprime të mëtejshme.
