Pas më shumë se tre viteve në arrati, është arrestuar në Selenicë, Tesilvan (Tesi) Basho, anëtar i bandës së ‘Llanajve’ në Vlorë, si dhe vëllai i tij, Satilno Basho. 38-vjeçari Tesi Basho, që u arrestua sot nga policia në kuadër të operacionit të koduar ‘Selenica’, rezulton një person me një seri rekordesh kriminale.
Ai ka vrarë dy vajza që ushtronin prostitucion në qytetin e Torinos, Itali, njërën prej të cilave e shfrytëzonte 38-vjeçari. Në momentin e arrestimit nga uniformat blu, 38-vjeçari tentoi të largohej, por kjo tentativë rezultoi e dështuar.
Ndërkohë, në pranga është vënë edhe vëllai i tij, Satilno Basho mbi të cilin rëndon akuza për “Shtrëngim me dhunë për dhënie pasurie”.
Dy vëllezërit, në janar të vitit 2017, nëpërmjet dhunës, kanë kërcënuar për dhënie pasurie rreth 100 mijë euro një biznesmeni, e ndërsa akuzohen edhe për kryerje të veprave të tjera penale, si vrasje apo në fushën e kultivimit dhe trafikimit të lëndëve narkotike. Dy vëllezërve u është sekuestruar një arsenal armësh, municione, tritol e lëndë narkotike.
Vrau 2 femra në Itali, RENEA vë në pranga personin që ishte dënuar përjetë dhe vëllain e tij
