Një aksident i rëndë rrugor ndodhi të martën që lamë pas, ku si pasojë e tij humbi jetën tragjikisht futbollisti shqiptar, Amir Ademi. Ishte vetë klubi i FC Kosova Rusenburg, pjesë e të cilit ishte edhe Ademi, të cilët bënë njoftimin për humbjen e tij.
“Të dashur vëllezër edhe motra..të dashur miq të nderuar..Me hidhërim edhe dhimbje të thellë ju lajmërojmë se vëllau, miku edhe i dashuri jonë, Amir Ademi ka ndërruar jetë mbas një aksidenti tragjik që ka ndodhur mbrëmjen e djeshme…Ngushëllime familjes edhe të gjithë miqve edhe shokëve për këtë humbje të madhe..Amiri do jetë gjithmonë në zemrën tonë”, shkruhet në postimin e klubit në Facebook.
Ndërkohë, fotot e shpërndara nga mediat kosovare, tregojnë qartë se si makina janë shkatërruar plotësisht si pasojë e përplasjes. Ademi u aksidentua menjëherë pasi përfundoi stërvitjet e orës së mbrëmjes, në rrugën mes qarkut të Abensberg dhe Arnhofen, në Gjermani.
