Kryeministri Edi Rama ka qenë sot në Petrelë, për të vizituar një familje që përfiton nga skema e rindërtimit, të cilës i është dëmtuar banesa nga tërmeti i 26 nëntorit.
I shoqëruar nga kryebashkiaku Erion Veliaj, Rama ka biseduar nga afër me të zotët e shtëpisë, ku me shaka i ka hequr vërejtje kryetarit të Bashkisë së Tiranës, që të mos e përdorë më termin zdroms.
Teksa Veliaj i ka bërë një kompliment vajzës së vogël të kësaj shtëpie, ka ndërhyrë kreu i qeverisë Edi Rama, i cili i ka kujtuar deklaratën e tij ku ka thënë se çunat janë zdromsa. Ai i ka kërkuar që të mos i hyjë më këtij muhabeti.
Pjesë nga biseda:
Veliaj: Princesha, gëzuar princesha. Ti qenke më e bukur se ajo te dora, se Frozen.
Rama: Mos hy me këto i bukur, e i shëmtuar se na more në qafë. Me atë që the se çunat janë zdromsa, tani të janë qepur të gjithë ty si zdroms. Mos i hy mo këtij muhabeti.
Veliaj: Po pse nuk janë gocat më të ftillume?
Rama: Po kjo është tjetër gjo, çunat janë të mirë, gocat janë më të mira. Po jo zdromsa. Ti s’ke faj, se unë e di për ç’a e ke ti. E di për ç’a e ke, s’na u ndanë zdromsat po nuk janë të gjithë si ata.
