Rreshjet e shiut dhe era e forta e orëve e orëve të fundit ka shkaktuar probleme në bregdetin e Velipojës.
Uji ka vërshuar brenda në qytet duke përmbytur biznese dhe banesa dhe duke shkaktuar jo pak dëme.
Ndërkohë, janë bllokuar disa akse rrugore, ndërsa ka probleme edhe me furnizimin me energji elektrike.
“Ka ndërpreje të energjisë për shkak të difekteve pothuaj në të gjithë territorin në zona të veçanta e herë pas here dhe në krejt njësitë admnistrative.
Rruga nga Qafa e Thores është e pakalueshme. Është rritur vështirësia e kalimit edhe në segmentin e Malit të Shoshit-Breg Lumi.
Vazhdon rritja e nivelit të lumenjve (Dajç 4.90;). Ka prezencë uji në pjesën e ulët e territorit, kryesisht në Gaduç (12 ha) NJA Velipojë dhe ndonjë pjesë tjetër.
Ka erozion të vazhdueshëm në Berdicë në NJA Berdicë, Bardhaj në NJA Rrethina, te Mali i Vukatanit në NJA Gur i Zi.
NJA Dajç nuk ka patur energji pothuaj gjatë gjithë kohës përjashtuar intervale shumë të shkurtra kohe. Po ashtu edhe Mali Kolaj në NJA Velipojë”.
Ditët e fundit e gjithë Shqipëria është përfshirë nga moti i keq, ku pjesët veriore janë përfshirë nga bora, ndërsa në Tiranë dhe Durrës ka pasur shira të rrëmbyeshëm dhe erëra të forta.
