Shqiptarët çdo ditë e më shumë po përballen me situatën kriminale. Ekzekutimet janë shtuar në masë, e po kështu edhe vjedhjet me maska nuk mbeten pas.
Ngjarjet kriminale janë kthyer në një shqetësim real, për sigurinë dhe rendin në vend. Në orët e para të ditës u raportua për vjedhjen e një tregtari, nga tre persona të maskuar dhe të armatosur.
Sipas të dhënave të policisë, persona ende të paidentifikuar kanë vjedhur në një dyqan 30 steka paketash. Cigaret janë vjedhur nën kërcënimin e një sendi, që në pamje të parë dukej si armë zjarri.
Njoftimi i Policisë:
“Ngjarja ka ndodhur në zonën e ‘tregut ushqimor’ në Tiranë, ku nën kërcënimin e një sendi në dukje si armë, i kanë vjedhur pronarit të një dyqani 30 steka paketash. Po punohet për identifikimin dhe kapjen e autorëve”.
https://tiranatoday.com/rikthehen-grabisin-tregtarin-nen-kercenimin-e/
