Cristiano Ronaldo bën McGregor të duket keq në sy të fansave

Conor McGregor pas ndeshjes së famshme ku debutoi në boks përballë Floyd Maywether edhe pse u mposht fitimet për të ishin marramendëse. Irlandezi besonte se shumë shpejt do ti shumëfishonte ato para dhe bëri një premtim se do të kalonte mikun e tij Cristiano Ronaldo në renditjen e sportistëve më të paguar. Revista e famshme financiare “Forbes” ka publikuar sot të ardhurat e sportistëve në 12 mujorin e fundit dhe në krye të listës qëndron padyshim boksieri Floyd Mayëeather, që nga duel me McGregor fitoi 285 milionë dollarë.Mayweather kryeson i shkëputur ndjeshëm, me një shifër që është më e madhe së dyfishi i vendit të dytë, të cilin e mbanë Lionel Messi me një diferencë të vogël nga vendi i tretë ku ndodhet Cristiano Ronaldo. Ndërsa vetëm në vendin e katërt, me 99 milionë dollarë të fituara nga dueli me boksierin amerikan, ndodhet pikërisht Conor McGregor. “Nuk besoj se Conor do të më mundë në këtë fushë”, tha CR7 kur u takua me irlandezin dhe duket se kishte të drejtë.Pavarësisht se ka humbur duelin me Cristiano Ronaldo, kampioni irlandez i arteve marciale mikse ka arritur të lërë pas në renditje ikona të sportit botëror si Neymar (i pesti), LeBron James dhe Roger Federer, ndërkohë që në listën e publikuar nga “Forbes” ndodhen edhe mjaft kampionë të sportit si Stephen Curry, Matt Ryan, Matthew Stafford dhe Kevin Durant.