Ç’po ndodh me Greqinë? Pas tërmetit 4.8 ballë që e goditi ditën e sotme, një tjetër tërmet e ka goditur vendin fqinj. Tërmeti i dytë raportohet se ishte 3.6 ballë i shkallës Rihter. Mediet greke raportojnë se tërmeti ra në det, 30 kilometra në veri-perëndim të Korintit.
Sipas një studimi të Institutit Gjeodinamik, tërmeti kishte një thellësi fokale prej 14.9 kilometrash dhe u ndje në shumë zona përreth. Kujtojmë se javët e fundit disa tërmete të njëpasnjëshëm janë shënuar në Greqi dhe qytetarët janë në panik.
