Një lajm mjaft i mirë vjen nga Rusia, ku së shpejti pritet që të nisin testimet tek njerëzit për vaksinën kundër koronavirusit. Në një kohë kur në Spanjë, Itali e SHBA po bëhet kërdia me viktimat, duket se kërkuesit janë drejt fundit për krijimin e një vaksine.
Kreu i Qendrës Kërkimore në Rusi, Rinat Maksyutov, i tha presidentit Vladimir Putin, se laboratori është gati për të filluar eksperimentet te njerëzit në muajin qershor.
Rinat Maksyutov, tha se ka propozuar që testimet e para klinike me 3 vaksina të fillojnë në 29 qershor, tek 180 vullnetarë. Gjatë një takimi ‘online’, ai ka raportuar tek Putin që deri më tani kanë marrë më shumë se 300 aplikime.
“Grupi i vullnetarëve është tashmë i formuar, kemi marrë më shumë se 300 aplikime”, i tha ai presidentit Putin gjatë një takimi ‘online’.
Maksyutov u shpreh se shkencëtarët më të mirë kanë përgatitur disa prototipe vaksinash në një laborator në Siberi.
Deri më tani testet janë zhvilluar te minjtë, lepujt dhe kafshë të tjera, duke shpresuar që deri në 30 prill të arrihet në rezultate konkrete.
