Në 24 orët e fundit, 236 persona kanë humbur jetën në Itali si pasojë e koronavirusit.
Kësisoj numri total i viktimave ka shkuar në 29 mijë e 315.
Autoritetet përkatëse bënë me dije se sot ka pasur 1,075 raste të reja me COVID-19.
Që nga përhapja e pandemisë e deri më tani, në shtetin fqinj janë konfirmuar 213,013 raste pozitive.
Raportohet se 2,352 persona janë shëruar që prej ditës së djeshme, duke e çuar në total 85.231 numrin e individëve që kanë fituar betejën me virusin.
