Arabia Saudite do të izolohet plotësisht gjatë festës së Bajramit, për të frenuar përhapjen e koronavirusit.
Ministria e Brendshme njofton se izolimi do të jetë në fuqi nga data 23 maj, kur nis Fiter-Bajrami, deri më 27 maj, kur edhe përfundon.
Bajrami shënon fundin e muajit të shenjtë të Ramazanit.
“Deri më 23 maj, aktivitetet ekonomike do të qëndrojnë të hapura dhe njerëzit do të mund të lëvizin lirshëm ndërmjet orës 9 të mëngjesit dhe 5 të pasdites”, thuhet në njoftimin e Ministrisë së Brendshme.
Kujtojmë se Arabia Saudite ka raportuar për rreth 43,000 persona të infektuar me COVID-19 dhe 264 viktima.
