Për shkak të koronavirusit, Qeveria e Kosovës ka shpallur gjendjen e jashtëzakonshme emergjente për shëndetin publik.
Raportohet se vendimi i mësipërm është marrë pas propozimit të Ministrisë së Shëndetësisë.
Vendimi i Qeverisë ka hyrë menjëherë në fuqi ndërkohë sipas këtij vendimi, Ministria e Shëndetësisë është përgjegjëse për menaxhimin e situatës së shpallur të emergjencës për shëndetin publik.
Kujtojmë se mbrëmjen e sotme u konfirmuan 4 raste të reja me COVID-19 në Kosovë duke e çuar në 9 numrin total të të infektuarve.
Sa i përket katër rasteve të regjistruara së fundmi, tre janë nga Malisheva, që të tre persona kontakti të një pacienteje të diagnostikuar pozitive me COVID-19 dhe një nga Podujeva. Ky i fundit raportohet të ketë ardhur nga Italia.
