Raportet dhe të dhënat e fundit tregojnë se shqiptarët vijojnë të kenë një rol dominues në botën e krimit në shumë vende të Evropës. Droga dhe trafikantët shqiptar te kapur në territorin italian i bën shqiptarët një nga kontingjentet emigrantëve shumë të përfshirë.
Ministria e Brendshme italiane ka botuar një raport mbi situatën e krimit dhe mafies, ku në seksione të ndryshme kanë kaluar në radiografi të gjitha lidhjet e organizatave mafioze vendase. Ministria ka publikuar statistikat e personave të arrestuar për aktivitete të llojit mafioz.
Ministria ka publikuar një raport me 310 faqe, ku në faqen 302 jepen statistika të të arrestuarave nga 6 mujori i dytë i 2012 deri në 6 mujorin e parë të 2016. Shqiptarët që janë arrestuar dhe marrë me aktivitete mafioze janë 828 persona.
Por, sipas një hetimi të Drejtorisë Anti-Mafia në Itali, është bërë e ditur se një nga organizat më famëkëqe “Cosa Nostra”, ka krijuar bazën e saj në Shqipëri, dhe Parlamenti italian ka informacione sekrete lidhur me këtë situatë.
“Organizata më e fuqishme kriminale italiane “Cosa Nostra” ka krijuar bazën e vet në Shqipëri. Lajmi alarmues nuk është publikua nga mediat, por erdhi nga Ministër italian i Punëve të Brendshme, Marco Minniti, përmes raportit për gjysmën e dytë të vitit 2016 të hetimeve të Drejtorisë Anti-Mafia të paraqitur në Parlamentin Italian”, shkruan media italiane osservatorioitaliano.org.
“E kemi referuar shumë herë dinamizmin dhe ndërveprimin e organizatave italiane dhe shqiptare për sa i përket trafikimit të lëndëve narkotike”, thuhet në faqen 176 të një raporti tjetër që ministri i Brendshëm Marco Minitti i dërgon parlamentin Italian, në lidhje me hetimin e organizatave mafioze.
“Hetimet e fundit kundër organizatës mafioze Sacra Corona Unita (Lecce) përdor shpesh rrugën ballkanike për aktivitete të paligjshme falë vëllazërisë me grupe sllave. Grupet kriminale në Serbi, Bosnje, Mal të Zi, Kosovë dhe Shqipëri përdorin rrugën rrugët ujore që kalojnë përmes detit Adriatik për trafiqe.
Kjo u pa edhe në operacionin Iliria, ku u arrestua një grup kriminal (8 vetë të arrestuar në 30 maj të 2016, 3 prej të cilëve italianë), të përbërë nga italianë dhe shqiptarë, kishte krijuar një kanal për trafikun e armëve dhe lëndëve narkotike”.
https://tiranatoday.com/raporti-italian-shqiptaret-te-preferuarit-e-organizatave-dhe-familjeve-mafioze/
Në faqen 183 të raportit shkruhet se “Në territorin kombëtar (Italian) është e konsoliduar prezenca e grupeve kriminale shqiptare, fleksibiliteti i të cilave në veprim ka lejuar në njërën anë diversifikimin e aktiviteteve të paligjshme, në anën tjetër për të zgjeruar praninë e tyre në rajone të ndryshme Italiane, duke filluar nga Puglia.
Territori i Pulias, në fakt, ishte zona e celulave të para kriminale shqiptare dhe përfaqëson ende sot një vend të detyrueshëm të zbarkimit të aktiviteteve të paligjshme që vijnë nga Shqipëria dhe nga zonat ballkanike. Me kalimin e kohës, megjithatë, kjo formë e krimit ka arritur të zgjerohet edhe në pjesën tjetër të territorit kombëtar, duke u bërë bashkëpunëtor të privilegjuar i shumë partneriteteve, falë edhe tendencës së fortë për të bërë aleanca Multietnike”.
Sipas karabinierëve italianë, “Në nivelin e brendshëm të organizatës shqiptare, zgjidhja e situatave të konfliktit shpesh vjen me metoda dhe veprime veçanërisht të dhunshme…
Në këtë kontekst, shqiptarët janë në gjendje të menaxhojnë, me theks të veçantë heroinën, gjithë zinxhirin e trafikut; nga kontaktet me prodhuesit në kanalet e shpërndarjes, duke u bërë shpejt furnizuesit kryesorë të grupeve italiane, falë aftësisë për të përsosur substancën bazë në laboratorë në mënyrë specifike… aktivitetet e fundit të policisë gjyqësore kanë konfirmuar përdorimin e aeroplanëve të vegjël për të trafikuar drogë në Itali dhe jashtë saj”. TIRANA TODAY
