Neymar asistoi Lucas Paquetan në minutën e 35-të për të shënuar golin e vetëm pasi Brazili vendas mundi Perunë 1-0, në orën 01:00 të mëngjesit të sotëm, për t’u kualifikuar në finalen e Copa America.
Gjysmëfinalja ishte një përsëritje e finales së fundit dy vjet më parë kur ekipi brazilian pa Neymarin (të dëmtuar) triumfoi gjithashtu në shtëpi.
Në finalen e së shtunës në stadiumin ikonik ‘Maracana’ të Rio de Janeiros, “La Selecao” do të përballet me Argjentinën e Lionel Messit ose Kolumbinë, që do të ndeshen të mërkurën në Brasilia.
“Unë dua Argjentinë. Bëj tifo për Argjentinën sepse kam miq atje dhe Brazili do ta fitojë finalen”, tha Neymar.
