Avokati i njohur, Spartak Ngjela, foli mbrëmjen e djeshme teksa ishte i ftuar në emisionin “Real Story” për angazhimin e ndërkombëtarëve tek Reforma në Drejtësi.
Sipas Ngjelës, shqiptarët kanë shpëtuar, ndërsa paralajmëroi se mund të ketë arrestime në nivele në larta.
“Këta ndërkombëtarët e kanë seriozisht për reformën. Njerëzit ta dinë: keni shpëtuar. Çojuni bukë e djathë atje ku do venë”, deklaroi Ngjela.
Nga ana tjetër, analisti Agron Gjekmarkaj u shpreh se ka ardhur momenti që Partia Demokratike të shpalosë propozime thelbësore për Reformën Zgjedhore.
“Partia Demokratike dhe opozita e ka të domosdoshme të dalin me propozime themelore. Nuk shembet apo zhduket Shqipëria pse rri një apo tre vjet Edi Rama kryeministër. Një ditë do të kemi zgjedhje të lira”, tha ndër të tjera Gjekmarkaj.
