Italia nuk njeh rënie të numrit të të infektuarve nga Covid-19.
Vetëm në 24 orët e fundit janë shënuar plot 21,994 raste të reja me koronavirus, ndërkohë që janë raportuar 221 viktima, shifra më e lartë e javëve të fundit.
Brenda një dite janë kryer 174,398 tamponë, teksa numri i pacientëve në terapinë intensive është 1,411.
Rajoni me numrin më të lartë të të infektuarve është Lombardia ku u regjistruan 5,035 raste të reja, e ndjekur nga Piemonte (2,458), Campania (2,761) dhe Lazio (1,993).
