Ish anëtari i Këshillit Kombëtar të PD-së, Edvin Kulluri, ka sulmuar kryedemokratin Basha, për shkak të qëndrimeve të tij për zgjidhjen e krizës politike. Kulluri thotë se Basha duhet ta ndajë mendjen për zgjedhjet.
Sot lideri demokrat e ndryshoi diskursin në publik, duke iu drejtuar Partisë Socialiste dhe jo kreut të saj Edi Rama, për ti dhënë fund krizës politike. “Nuk është kurrë vonë. Thirrja ime ndaj PS është të reflektojë sa nuk është vonë”, u shpreh Basha, në një deklaratë për mediat, pas takimit me reporterët e KiE.
Basha u shpreh se durimit të popullit po i vjen fundi. Duke qëndruar në të njëjtën linjë, Kulluri kërkon të dijë nga Basha, se pse ka ndryshuar mendim kaq shpejt. Ai i kujton faktin se para një jave, Basha nuk donte të futej në zgjedhje me Ramën. E ndërsa sot, kërkon zgjedhjet me urgjencë.
Statusi
Para 1 jave s’duhej te futeshim ne zgjedhje me Ramen, sot duhen bere zgjedhjet me urgjence! Ndaje mendjen, o s’ka zgjedhje pa kod te ri zgjedhor, ose futesh ne zgjedhje te parakohshme! Le qe 30 qershorin aty e kishe, ç’ne gjithe ky nxitim? Ç’i di demokratet “delfine akuariumi”, hidhu ndonje peshk qe te kenaqen spektatoret?!
