Me anë të një postimi në Facebook, kryeministri Edi Rama ka lajmëruar se nga data 16-21 Mars, çmimi i naftës do të jetë 203 lekë për litër.
Bordi i Transparencës ka vendosur që çmimi i naftës dhe benzinës të jetë 203 lekë/litri për periudhën 16-21 Mars.
Dje qytetarët protestuan kundër rritjes së çmimeve. Në Tiranë një grup qytetarësh u mblodhën në sheshin “Skënderbej” dhe marshuan drejt Kryeministrisë, ku protestuan për rreth 1 orë e gjysmë. Protestuesit kanë listuar edhe një numër kërkesash, ku tre shtyllat kryesore janë ulje e barrës fiskale, hetim dhe mbikëqyrje për mirëfunksionim të tregut dhe mbështetje për biznesin dhe shtresat vulnerabël. Ata kërkojnë uljen e qëndrueshme e çmimit të karburantin në nivelet e rajonit.
