Në tremujorin e parë të vitit 2017 çmimet e prodhimeve u rriten përkatësisht me 5,1 % në krahasim me tremujorin e parë të vitit 2016 dhe 1,8 % në krahasim me tremujorin e katërt të vitit 2016.
Sipas raportit të publikuar tsot nga Instituti i Statistikave (INSTAT), rritjen më të lartë e kanë shënuar çmimet e prodhimit të industrisë nxjerrëse me 24,3 %. Brenda kësaj industrie vihet re rritja e çmimeve të prodhimit të produkteve në nxjerrjen e naftës bruto dhe gazit natyror me 37,3 %.
Krahasuar me tremujorin e parë të vitit 2016, çmimet e prodhimit të produkteve vendase shënuan rritje me 2,8 %. Çmimet e prodhimit të produkteve për eksport kanë shënuar rritje me 10,6 % krahasuar më të njëjtën periudhë të vitit të mëparshëm.
