Ndonëse jemi në mes të sezonit veror, jugu i vendit reflekton një zbrazëti, kjo për shkak të çmimeve të ‘kripura’. Çdo ditë e më shumë, qytetarët po përballen me rastet nga më skandaloze, ku ushqimet janë të papërballueshme për ti konsumuar, pasi bizneset abuzojnë në mënyrë të frikshme. Shezlongët po kështu kanë pësuar një rritje në krahasim me vitet e shkuara, e po kështu edhe qëndrimi në hotele ku një natë e bën pushuesin të mendojë të pushojë i qetë. Kjo situatë ka marrë vemendjen e kryeministrit Rama. Gjatë një takimi me kryebashkiakët socialistë, Rama tha se në qershor kemi pasur një bum turistësh, por më pas u frenua nga rritja e çmimeve.
“Zemrën e konkurrencës europiane, të mos them botërore. Këtu në Adriatik dhe në Jon jemi në mes të kësaj konkurrence. Në një kohë ku Turqia po Greqia ofrojnë çmime të arsyeshme, në Dhërmi i çojnë çmimet mbi Turqi dhe thonë pse nuk kemi turistë. Si do i kesh? Vjen korriku dhe ja kërcasin çmimeve, rrinë dhe ngul e shkul çadra. Në qershor ishim mirë. Ndërkohë në Durrës është e kundërta, se po rritet cilësia e turistëve”, tha Rama.
