Sikundër ishte njoftuar më herët, mbështetës të PD-së janë mbledhur sot në sheshin “Gensher” për të protestuar. Ata kanë fikur makinat, dhe kanë bllokuar qarkullimin në këtë shesh, kjo në formë simbolike kundër rritjes së çmimit të naftës.
Deri më tani protesta është e qetë, ndërsa njerëzit vijojnë të shtohen. Nafta në vend ka arritur në 245 lekë për litër, ndërsa nga PD konsiderohet si një çmim abuziv dhe i papranueshëm.
Protesta ka nisur rreth orës 11:00. Mësohet se pjesë e kësaj proteste nuk janë vetëm përfaqësuesit e Partisë Demokratike, por edhe shoqëria civile të cilët kërkojnë shkrirjen e Bordit të Transparencës së karburanteve.
Ky aksion politik është paralajmëruar nga Partia Demokratike jo vetëm në Elbasan, por në mbarë vendin.
