Sinoptikanët e kishin parashikuar më herët se temperaturat gjatë muajit shtator do të ishin të larta, por ato tashmë po thyejnë rekordet. Temperaturat e ajrit kanë pësuar një rritje, duke kapur shifrën maksimale 35 në zonat e ulëta, 32 ato bregdetare, dhe 30 gradë në zonat malore.
Temperaturat janë mesatarisht 4°C mbi vlerat tipike të fillim-vjeshtës, më e ndjeshme kjo anomali gjatë orëve të mesditës, duke bërë që periudha të mbetet e favorshme për pushuesit (përjashtuar erën e cila shpeshherë bëhet problematike në bregdet).
Po sipas sinoptikanëve, situata do të jetë e njëjtë deri javën tjetër, dhe në fund të shtatorit do të ketë një rënie të lehtë. Ndaj të gjithë ju që keni bërë plane për të bërë plazh, këto ditë janë ideale.
