Mandati i kryeprokurorit është sfida politike e javës që ndiqet me mjaft interes nga media. Dy forcat e mëdha politike diskutojnë mës tyre se kur mbaron mandati i kryeprokurorit Adriatik Llalla dhe se kush do ta marrë nga dy kampet politike kryeprokurorin. Në media është thënë së mandati i Llallës mbaron në datën 7 dhjetor.
I ftuar në emisionin ‘Studio e hapur’ në “News24”, juristi Çlirim Gjata pohoi se nuk mund të flitet kurrsesi që mandati i Llallës mbaron, nëse ky vendim nuk merret nga Këshilli i Lartë i Prokurorisë. Mes të tjerash ai tregoi rrugën që duhet të ndiqet për të zgjedhur kryeprokurorin e ri, ndërsa shtoi se gjithçka përcaktohet në Kushtetutë.
Disa ditë më parë analisti, Fatos Lubonja pohoi se i gjithë debati mes partive politike është një ‘luftë bandash’, për faktin se kush do ta kapë Prokurorinë, por ne duam drejtësi. Lubonja tha se sugjerimin e OPDAT dhe EURALIUS janë shumë të qarta dhe mjafton qe të ndiqen ato. Ai theksoi se kryeministri Edi Rama synon që të zgjedhë një prokuror me shumicë të thjeshtë, pasi kërkon që të ‘kapë’ drejtësinë (lajmin e plotë lexoje këtu).
“Nëse do ulemi të numërojmë mandatin e Llallës, data 7 është afati i fundit. Mandati është element kushtetues. Këtu problemi hyn në pjesën përbërëse të drejtësisë. Jo kot janë bërë këto procedura. Problemi është që nuk mundet që mediat, qytetari, prokuroria vet, organet e drejtësisë, dhe as parlamenti dhe kryeministri e presidenti që të thonë se kryeprokurorit i ka mbaruar mandati. Kushtetua jep procedurat kushtetuese. Politika nuk duhet të ndikojë tek mandati. Mandati i mbaron në mënyrë kushtetuese kur ta deklarojë Këshilli i lartë i Prokurorisë. Sikur KLP-ja mos ta deklarojë kurrë? Kjo duhet zbatuar e zezë mbi të bardhë. Momenti i dytë është mbi dispozitën kalimtare që ka të bëjë me kryeprokurorin me mandat të përkohshëm. Emërimi i prokurorit kalon në KLP. KLP deklaron mbarimin e mandatin, bën 3 kandidatura dhe parlamenti zgjedh një. I pari në listë zgjidhjet prokuror. Kur mbaron para kohe mandati i prokurorit? Kur jem dorëheqje, apo larg qoftë….Kur t’i mbaronte para kohe dhe s’do kishte KLP, do ndërhynte Kuvendi. Ne jemi në përfundim të mandatit të tij. Mandati i mbaron kur deklarohet vendimi i KLP-së.”, tha Gjata.
