Kudo në internet së fundmi po qarkullon historia e një çifti të moshuarish që kanë ndërruar jetë në të njëjtën ditë. Po flasim për 88-vjeçaren Marilyn Frances DeLaigle dhe bashkëshortin e saj, 94-vjeçarin Herbert DeLaigle. Pas plot 71 vitesh martesë, Marilyn dhe Herbert ndërruan jetë.
Thuhet se historia e tyre e dashurisë ka nisur në një kafene dhe ka përfunduar me vdekjen e tyre në po të njëjtën ditë. Fillimisht është ndarë nga jeta Herbert dhe Marylin nuk arriti që ta përballonte dhimbjen e madhe që ndjente për humbjen e të shoqit. Vetëm 12 orë pasi vdiq bashkëshorti i saj, zemra e Marylin pushoi së rrahuri. Çifti i të moshuarve kishin 6 fëmijë,16 nipër, 16 stërnipër dhe tre stër-stër nipër.
