Champions/ Mançester Siti – Dortmund, Guardiola kërkon gjysmëfinalen e parë

Një vështrim mbi ndeshjet e së martës në takimet e para të çerekfinaleve të Ligës së Kampionëve:

Siti – Dortmund

Pjesa më e madhe e fokusit është përqëndruar  tek Erling Haaland, sulmuesi i Dortmundit i cili ka qenë i lidhur shumë me transferimin tek Siti. 20-vjeçari i përfaqësueses norvegjeze është shënuesi më i mirë në Ligën e Kampionëve këtë sezon me 10 gola dhe lojtari më i ri në historinë e kompeticionit që ka arritur 20 gola.

Nëse Dortmundi nuk arrin të kalojë Sitin, gjasat që Haaland të largohet këtë verë rriten ndërsa ekipi po lufton për t’u kualifikuar në Champions  përmes vendit të 4-t në Bundesliga.

Mançester Siti, lideri i Premier League, po kërkon të arrijë në gjysmëfinale për herë të dytë dhe për herë të parë me Pep Guardiolën. Skuadra angleze është eliminuar në çerekfinale në tre sezonet e kaluara.

Formacionet e mundshme:

Siti – Ederson; Cancelo, Dias, Stones, Mendy; Fernandinho, Gundogan, De Bruyne; Silva, Sterling, Foden

Dortmundi – Hitz; Can, Akanji, Hummels, Guerreiro; Delaney, Bellingham, Dahoud; Hazard, Haaland, Reus