Në 20:45 do të startojnë dy supersfidat e Champions League, ku Juventus do të presë Tottenham dhe Basel pret Manchester Cityn.
Juventusi do të paraqitet në këtë sfidë me disa mungesa, ku më e rëndësishmja është ajo e Dybalas. Ndërsa anglezët e Pochettinos kanë ruajtur në stol koreanin Son. Të dy trajnerët e kanë përgatitur mjaft mirë këtë sfidë pasi kjo ndeshje është cilësuar si një finale e parakohshme, duke parë formën e mirë që po kalojnë ekipet këtë sezon.
Ndërsa Baseli i Taulant Xhakës do të presë gjigantët e Manchester Cityt. Lojtari i kombëtares shqiptare do ta nisë këtë sfidë nga minuta e parë. Një ndeshje mjaft e vështirë për zviceranët duke parë se City i Guardiolas është me të vërtetë i frikshëm këtë sezon.
