Një ndeshje e çmendur po zhvillohet në “Etihad” ku Manchester City po përballet me Tottenham në kuadër të ndeshjes së dytë të çerekfinales së Champions League. Në 11 minuta lojë janë shënuar katër gola, nga dy për secilën skuadër.
Ishte City që kaloi e para në avantazh me Sterling, i cili godet me të djathtën nga brenda zonës duke mposhtur Lloris.
Por nuk ka zgjatur më shumë se 3’ minuta festa e “qytetarëve”, pasi Son ka shënuar golin e barazimit.
Vetëm 4’ minuta më pas është sërish koreani Son që ka heshtur stadiumin me golin që ka përmbysur ndeshjen.
Përgjigja ka qenë e menjëhershme e qytetarëve, të cilët shënojnë vetëm pas 1’ minute më Bernardo Silvën.
Kujtojmë që Tottenham ka fituar në ndeshjen e parë me rezultatin e ngushtë 1-0.
