Komisioni i Pavarur i Kualifikimit, ka shkarkuar nga detyra gjyqtaren e Gjykatës së Apelit Tiranë, Fatmira Hajdarin. Ky vendim u mor për shkak se gjyqtarja ka probleme me pasurinë, dhe i është refuzuar viza amerikane. Nga hetimi i thelluar i Komisionit të Vettingut, rezultoi se gjyqtarja nuk justifikonte një pasuri me vlerë rreth 470 mijë dollarë.
Në përfundim të seancës, Hajdari tha se ishte vendim i pritshëm. Lidhur me këtë çështje ka reaguar avokati Spartak Ngjela. Në studion e emisionit “Top Talk” , ai tha se vetëm proceset gjyqësore, mund të nxjerrin të vërtetën e asaj pasurie. Ngjela u shpreh se KPK nuk ka forcë fare, pasi ata janë të gjithë ndërkombëtarë dhe nuk ka asnjë shqiptar.
“Çështja është që nuk mund të gënjehet për gruan e Azem Hajdarit, është shumë e vështirë të stisen prova. Unë i kam miq ata, por dua të vërtetën më shumë.
Çështja është që vetëm proceset gjyqësore mund ta nxjerrin tamam të vërtetën e asaj pasurie. Çfarë mund të kishte në mbrojtje ajo? Do të kishte mbrojtje, sepse pas vrasjes së Azemit, asaj mund t’i kenë dhuruar shumë gjëra.
Unë nuk e di, duhet proces i rregullt gjyqësor. Ligji ka karakter formal dhe nuk ja kanë nxjerrë shqiptarët por ndërkombëtarët. Duhet të keni parasysh një gjë, nuk kanë forcë fare KPK (Komisioni i Pavarur i Kualifikimit) në lidhje me Vettingun e gjyqtarëve, ata janë të gjithë ndërkombëtar dhe nuk ka asnjë shqiptar”, u shpreh avokati.
Më tingëlloi veçantë qëndrimi i z. Haxhia, natyrisht ai është në rolin e mbrojtësit por dëshiroja të ndalesha pak, sepse më tingëlloi veçantë qëndrimi i z. Haxhia, natyrisht ai është në pozicionin e mbrojtësit. Por ka thënë një element të rëndësishëm që të tërheq vëmendjen. Është një listë e paracaktuar gjyqtarësh apo prokurorësh që duhet të ikin.
“Duhet të na e provojë. Ai si avokat duhet të na e provojë. Jurisprudenca e nivelit të lartë nuk e përfill opinionin, vetëm faktin. Kjo është një opinion, nuk duhet ta kishe bërë mbase ka fakte, t’i nxjerri”, tha Ngjela.
