Çfarë po ndodh me politikën në Kosovë?
Ashtu siç kishte paralajmëruar edhe më herët, Presidenti i Kosovës Hashim Thaçi ka vijuar që të ndërmarrë “hapa politikë” për të formuar një qeveri të re.
Raportohet se lëvizja e tij e radhës ka të bëjë me ftesën që i ka bërë partive politike për konsultime në orën 16:00 në Presidencë.
Thaçi sot e ka njoftuar kreun e LVV-së, Albin Kurtin se do të takohet me partitë e tjera politike në vend për të diskutuar për formimin e qeverisë së re, pasi Vetëvendosje ende nuk e ka dorëzuar emrin për mandatarin.
Takim ndërkaq sot gjatë ditës ka pasur edhe Kreu i LDK-së, Isa Mustafa bashkë me kreun e AAK-së, Ramush Haradinaj.
