Në Itali koronavirusi ende nuk është mposhtur, ndaj duhet pritur të paktën mesi i muajit maj për ta parë sesi do të veprohet më tej me masat lehtësuese.
Autoritetet e Shëndetësisë paralajmërojnë se edhe nëse shifrat do bien shpejt, COVID-19 do mbetet mes popullatës. Ndaj ata kërkojnë nga popullata që të zbatohen me rigorozitet masat e distancimit shoqëror.
Nëse masat e vendosura do të fillojnë të shkelen nga dita në ditë, kjo do të reflektojë një rifillim të qarkullimit të koronavirusit. Në Itali po shihen ulje të rasteve të reja të infeksionit.
Nëse në ditët në vijim konsolidohet kjo tendencë, mund të thuhet se kthesa e shumëpritur ka nisur, dhe frymëmarrja e një populli të tërë do jetë më e lehtësuar.
Takimi virtual përmes një video konference midis kryeministrit italian Giuseppe Conte dhe grupit tekniko shkencor, për të diskutuar mbi vazhdimin e masave, dolën në konkluzionet e “Fazës 2”.
Kjo periudhë do të jetë e karakterizuar nga dy hapa. E para (pas të hënës së Pashkëve) do të ketë të bëjë me hapje të vogla të aktiviteteve të prodhimit.
E dyta (pas datës 4 maj) do të përfshijë një rimodelim tërësor të masave. Në çdo rast, nuk u parashtrua asnjë datë, por u theksua vetëm nevoja për maturi.
