Orët e mbrëmjes së sotme janë mbushur me ethe të forta ankthi lidhur me zhvillimin e situatës politike në vend.
Ndërkohë, në këto çaste vendimtare për krizën aktuale kreu i opozitës Lulzim Basha para takimit të thirrur me aleatët në orën 21:00, ai ka darkuar me liderin e AAK-së.
Mësohet se pas takimit me presidentin e zgjedhur Ilir Meta, kreu i AAK-së Ramush Haradinaj ka shkuar në një darkë punë me liderin e opozitës shqiptare Basha por që nuk dihet ende asgjë për detajet e këtij takimi në heshtje.
Nga momenti në moment pritet të zbulohet nëse është arritur marrëveshja mes opozitës dhe mazhorancës, mirëpo, ajo që ka tërhequr vëmendjen e gazetarëve është pikërisht ky takim i orëve të vona dhe itinerari i Haradinaj, nga Meta te Basha.
Kujtojmë se, si Basha, si Meta kanë një miqësi të ngushtë me zotin Haradinaj, i cili është dhe rivali kryesor Thaçit, mikut të ngushtë të Ramës.
Kujtojmë se kjo vizitë e Haradinajt në Shqipëri është e para e tij pas lirimit nga burgu në Francë.
