Ndërtesa të shkatërruara, të kthyera në gërmadha, është pamja që ofrohet pas tërmetit që i ka marrë jetën 21 persona në Turqi. Forcat e kërkim-shpëtimit nuk e kanë ndalur punën, ndërsa janë duke kërkuar për shpëtimin e personave të bllokuar apo dhe për nxjerrjen e trupave.
Pamjet që shihni vijnë nga pjesa lindore e Turqisë, e cila mbrëmjen e djeshme u godit nga një tërmet i fuqishëm me magnitudë 6.8 ballë të shkallës rihter.
Dridhja prej 6.8 shkallësh të Rihterit u regjistrua në qytezën Sivrice të provincës Elazig. Shumë ndërtesa u shembën dhe banorët u detyruan të dilnin në rrugë. Tërmeti ishte aq i fuqishëm, saqë lëkundjet u ndien edhe në Siri, Liban dhe Iran.
Dridhjet e tokës janë të shpeshta në Turqi. Tërmeti i së premtes ndodhi rreth orës 20 e 55 minuta sipas kohës lokale.
