Aleanca e sigurisë së NATO-s u themelua në vitin 1949, kur një luftë botërore i kishte lënë vendin Luftës së Ftohtë.
Blloku synonte të kundërshtonte zgjerimin sovjetik në Evropë, dhe më e rëndësishmja, anëtarët themelues të tij – Mbretëria e Bashkuar dhe SHBA-ja mes tyre – ranë dakord t’i vijnë në ndihmë njëri-tjetrit nëse njëri prej tyre sulmohej.
NATO u zgjerua pas rënies së Bashkimit Sovjetik, kur vendet e Evropës Lindore që dikur ishin anëtarë të Paktit rival të Varshavës, vendosën të bashkohen.
Vitet e fundit, ka pasur pyetje mbi të ardhmen e NATO-s. Ish-presidenti i SHBA-së, Donald Trump ishte kritik, ndërsa presidenti francez Emmanuel Macron e quajti aleancën “të vdekur”. Por me pushtimin rus të Ukrainës, NATO-s i është dhënë një rëndësi e re.
Burimi i lajmit: BBC. Përshtatur nga Tirana Today
