Policia e Tiranë arrestoi dy ditë më parë një 32-vjeçare, pasi dyshohet se është pjesë e grupi kriminal “Bajri”. Bëhet fjalë për Jorida Muratin, banuese në Tiranë por e punësuar fiktivisht si infermiere në Spitalin Rajonal të Shkodrës.
Sipas njoftimi të policisë, Murati është e dyshuar për kryerjen e veprës penale “Vjedhje duke shpërdoruar detyrën”, kryer në kuadër të grupit të strukturuar kriminal. Gjatë kontrollit në banesën e saj, policia i sekuestroi shumën pre 9 mijë eurosh.
Nga informacionet e marra nga autoritetet holandeze, policia shqiptare ka mësuar se 32-vjeçarja është takuar me Behar Bajrin në një burg në Holandë, aty ku Bajri vuante dënimin, dhe Murati paraqitej si e afërme e tij. Në muajin korrik, ai u ekstradua në Shqipëri.
Pas këtij takimi, policia shqiptare nisi hetimet.
Dyshohet se mes tyre ka pasur një takim prej 3 orësh dhe nga përgjimi janë zbuluar të dhëna për hetimet. Sipas “BalkanWeb”, mësohet se Bajri i ka dhënë një letër me porosi, të cilat më pas Murati i ka zbatuar kur është kthyer në Shqipëri.
“Është kjo shtetase e cila në mënyrë të vazhdueshme është përpjekur të mbajë kontakte me persona të tjerë të cilët në mënyrë të drejtpërdrejtë apo dhe të tërthortë kanë patur aksesin e lejuar nga detyra për ndërhyrje dhe në saktësinë e provave të cilat janë administruar por pa arritur në një konkludim të saktë për shkak të mbajtjes nën vëzhgim të plotë nga ana e autoriteteve policore”, thuhet në dosjen e prokurorisë.
