Mediat zvicerane i janë rikthyer me një artikull të përshkruajnë karrierën e ish-futbollistit shqiptar, Milaim Rama. Këtu flasim për një personalitet të njohur sa i përket botës së sportit, që te helvetët kujtohet vazhdimisht, pavarësisht kalimit të viteve.
Një nga cilësitë e Ramës, ishte padyshim shpejtësia e tij e madhe që asokohe bënte diferencën, megjithëse nuk ka luajtur edhe shumë takime me Zvicrën. Por mënyra sesi media “Watson” e shtron artikullin, përbën edhe lajmin kryesor.
“Çfarë do të bënte Zvicra pa lojtarët me origjinë shqiptare? E vështirë të imagjinohet”, shkruhet në median zvicerane, referuar të gjithë futbollistëve tanë që kanë lënë Shqipërinë, për t’iu bashkuar helvetëve, ku normalisht që spikasin Shaqiri dhe Xhaka.
